De Ahanes

Ahanes animal est, ut dicit Aristotiles, ad magnitudinem cervi, in quo natura mutavit consuetudinem aliorum animalium quadrupedum. Omne enim animal quadrupes habet fel in interioribus ventris excepto isto. Istud autem animal fel habet in aures. Et ipsum fel animalis simile est felli hominis in colore; et est ipsum fel amarum valde et causativum vehementis ire et ferocitatis.